Սեպտեմբերի 21-ից 29-ը Ռուսաստանի զինված ուժերի տեսուչները «Բաց երկնքի» պայմանագրի շրջանակներում դիտորդական թռիչք են իրականացնում ԱՄՆ օդային տարածքում։
Այս մասին տեղեկացնում է ռուսաստանյան «ՌԻԱ Նովոստի» լրատվական գործակալությունը։
Ընդհանուր առմամբ, ռուսաստանցի դիտորդներն ամերիկյան կողմի հետ համաձայնեցված 4900 կմ թռիչք կիրականացնեն։ Դիտարկումը կիրականցնեն Տու-154Մ ինքնաթիռով, որը ժամանակավոր տեղակայվել է ԱՄՆ-ի Օհայո նահանգում։
Նշենք, որ «Բաց երկնքի մասին» պայմանագիրը ստորագրվել է 1992 թվականի մարտի 24-ին Հելսինկիում ԵԱՀԿ անդամ 27 պետությունների կողմից, ավելի ուշ պայմանագրին միացել են ևս յոթ պետություն։
Պայմանագրի մասնակից երկրների օդային տարածքներում պարբերաբար դիտարկումներ իրականացնելու նպատակով կատարվում են թռիչքներ` զինուժի և սպառազինութայն փոխադարձ վերահսկողության նպատակներով։ Ռուսաստանը վավերացրել է պայմանագիրը 2001 թվականի մայիսին։