Եմենի մայրաքաղաք Սանայում զորահանդեսի փորձի ժամանակ մահապարտը պայթեցրել է իրեն։ Այդ մասին հայտնում է «Ալ Արաբիա» հեռուստաալիքը։ Պայթյունի հետևանքով զոհվել է 96 մարդ, վիրավորվել՝ մոտ 300։ Reuters-ի տվյալներով՝ ահաբեկչությունը ուղղված է եղել հենց Եմենի զինվորականների դեմ։ Մահապարտը զինվորական համազգեստով է եղել։
Պայթյունի պատասխանատվությունը դեռ ոչ ոք չի վերցրել իր վրա։