2014-ի սեպտեմբերի 11-ին Bakı Expo Mərkəzi կենտրոնում Ադրբեջանի պաշտպանության նախարար, գեներալ-գնդապետ Զաքիր Հասանովը հանդիպել է Թուրքիայի իր պաշտոնակից Իսմեթ Յըլմազին։
Ադրբեջանի պաշտպանության նախարարը հանդիպել է Թուրքիայի իր պաշտոնակցին
Այս մասին հաղորդում է Ադրբեջանի պաշտպանության նախարարության մամուլի ծառայությունը՝ հավելելով, որ Թուրքիայի պատվիրակությունն Ադրբեջան է ժամանել՝ մասնակցելու այսօր բացված ADEX-2014 ռազմարդյունաբերական ցուցահանդեսին։
Հանդիպման ընթացքում նախարարները քննարկել են երկկողմ հետաքրքրություն ներկայացնող հարցեր և ռազմական բնագավառում համագործակցության ծրագրերը։
Հանդիպմանը մասնակցել է նաև Ադրբեջանում Թուրքիայի դեսպան Իսմայիլ Աքփեր Ջոշքունը։
Հավելենք, որ Թուրքիայի պաշտպանության նախարարին Ադրբեջանում դիմավորել են հանդիսավոր արարողությամբ, որին ներկա են եղել Ադրբեջանի բարձրաստիճան պաշտոնյաներ, դիվանագետներ ու գործարարներ։