Ադրբեջանի բանակի երկու զինծառայողի սպանված են գտել

Ադրբեջանի սահմանապահների միջև զինված միջադեպ է գրանցվել: Ադրբեջանի՝ Պետական սահմանապահ ծառայության մամլո ասուլիսի ժամանակ հայտնել են, որ Ադրբեջանի՝ Իրանի հետ սահմանի Իմիշլինի մարզում՝ Բահրամթեպե գյուղի հարևանությամբ, գտել են երկու սահմանապահ զինծառայողի դիակ: Մեկը՝ Ռահիբ Նազիմ օղլի Ալիևն է՝ 1993թ. ծնված, մյուսը՝ նույն թվականին ծնված՝ Թուրալ Իզզեթ օղլի Քյազմիզադեն: 1news.az-ի փոխանցմամբ, ըստ նախնական տվյալների, անձնական տարաձայնությունների հողի վրա զինված ընդհարում է եղել: Նրանցից մեկը սպանել է մյուսին, ապա ինքնասպան եղել: Փաստի առնչությամբ քննություն է վարվում: