Նիդեռլանդները որոշեց դուրս բերել իր Patriot-ները Թուրքիայի տարածքից

Նիդեռլանդները որոշել են չերկարաձգել Patriot զենիթահրթիռային համալիների՝ Թուրքիայում տեղակայման ժամկետը, որը լրանում է այս տարվա վերջին։ Այս մասին տեղեկացնում է թուրքական «Անադոլու» լրատվական գործակալությունը։ Նիդեռլանդների կառավարությունն արդեն տեղեկացրել է երկրի խորհրդարանին՝ Թուրքիային տրամադրած հակաօդային պաշտպանության համակարգերը 2015 թվականին հունվարին երկիր վերադարձնելու մասին։

Փեթրիոթ ՀՕՊ համակարգերը Թուրքիայում

Փեթրիոթ ՀՕՊ համակարգերը Թուրքիայում

Նիդեռլանդների զինված ուժերից էլ տեղեկացրել են, որ իրենց տրամադրած Patriot համակարգերը վերանորոգման և սպասարկման կարիք ունեն, ինչն էլ դրանք վերադարձնելու հիմնական պատճառ է դարձել։

Միևնույն ժամանակ հոլանդական կողմը հավելել է, որ իրենք չեն կարծում, թե Սիրիայից հնարավոր վտանգը նվազել է և այդ հարցում ևս շարունակելու են աջակցել ՆԱՏՕ-ին և Թուրքիային։

Նշենք, որ ներկայում Թուրքիայում տեղակայված է Patriot զենիթահրթիռային համալիների 6 մարտկոց։ Երկուական մարտկոց Թուրքիային են տրամադրել Նիդեռլանդները, Գերմանիան և Միացյալ Նահանգները ՆԱՏՕ-ի որոշմամբ, որին Անկարան դիմել էր 2011-ի վերջին ՀՕՊ համակարգեր տրամադրելու խնդրանքով՝ Սիրիայից հնարավոր վտանգին դիմակայելու համար։

Patriot կայանները Թուրքիայում էին տեղակայվել 2013 թվականին հունվար և փետրվար ամիսներին մեկ տարի ժամկետով։ 2013-ի վերջին, երբ լրանում էր դրանց տեղակայման ժամկետը, Անկարան կրկին դիմել է ՆԱՏՕ-ին՝ ժամկետը ևս 1 տարով երկարաձգելու համար՝ պատճառաբանելով, թե Սիրիայից սպառնալիքը դեռ պահպանվում է։
Բացի ՆԱՏՕ-ի համապատասխան որոշումից, ՀՕՊ կայանների տեղակայումը երկարաձգելու թույլտվություն էին տվել նաև դրանք տրամադրած պետությունները, այսինքն՝ Գերմանիան, ԱՄՆ-ն և Նիդեռլանդները։

Նշենք, որ Թուրքիան ներկայում չունի մեծ հեռահարության հակաօդային և հակահրթիռային պաշտպանության սեփական  համակարգը, ինչի համար էլ փորձում է մրցույթի միջոցով հարմար տարբերակ գտնել։

2 responses to “Նիդեռլանդները որոշեց դուրս բերել իր Patriot-ները Թուրքիայի տարածքից

  1. Pingback: Ռազմաշաբաթ. Թուրքիա. օգոստոսի 24-30 | Ռազմ.info

  2. Pingback: Թուրքիայում հոլանդական Patriot-ները կարող են փոխարինվել իսպանականով | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *