Օգոստոսի 18-ին Ադրբեջանի պետական սահմանապահ ծառայության զինծառայող, 1996-ին ծնված Ալիաղա Յաշար օղլու Ալիևը խեղդվել է երկրի հյուսիսարևելյան Խաչմազի շրջանում՝ Կասպից ծովում։
Ինչպես հաղորդում է ադրբեջանական ԱՊԱ լրատվական գործակալությունը, սահմանապահը ջուր է նետվել ոչ սթափ վիճակում և ջրահեղձ է եղել։ Փրկարարներին հաջողվել է ջրից դուրս բերել վերջինիս դին։
Հայտնի է, որ Ալիևը զորակոչվել էր Ղուբայի շրջանից, արձակուրդի մեջ է եղել։
Նկատենք, որ սա 2014-ի օգոստոս ամսվա ընթացքում ադրբեջանական զինուժի հայտարարված 25-րդ կորուստն է։