[հավելում] Ադրբեջանում զինծառայող է մահացել

Ադրբեջանի արդարադատության նախարարության պատժիչ գործողությունների իրականացման ծառայության պաշտպանական գնդի զինծառայող Թահմազլը Ֆարիդ Ասլան օղլուն մահացել է, համաձայն նախնական վարկածի, իրեն ամրակցված ինքնաձիգից արձակված կրակից։Ինչպես հաղորդում է ադրբեջանական ԱՊԱ լրատվական գործակալությունը, միջադեպի մանրամասները հայտնի չեն։ Պաշտոնական մեկնաբանություններ այս պահի դրությամբ չեն հնչել։ Պարզ չէ նաև, թե որտեղ է արձանագրվել միջադեպը։ Հայտնի է միայն, որ փաստի առնչությամբ հարուցվել է քրեական գործ։

Նկատենք, որ սա 2014-ի օգոստոս ամսվա ընթացքում ադրբեջանական զինուժի հայտարարված 24-րդ կորուստն է։

[հավելում]-Ադրբեջանի արդարադատության նախարարության պատժիչ գործողությունների իրականացման ծառայության մամուլի ծառայությունը հաստատել է տեղեկությունը՝ հավելելով, որ 1994-ին ծնված զինծառայողը կրակել է ինքն իրեն օգոստոսի 18-ին՝ երեկոյան ժամերին։ Նա զորակոչվել էր Բիլյասուվարի շրջանից։ Զինդատախազությունը քրեական գործ է հարուցել քրեական օրենսգրքի 125-րդ հոդվածով՝ ինքնասպանության դրդում։