Ադրբեջանի զինված ուժերում ներկայումս պայմանագրային կին զինծառայողների թիվը հասնում է 1 000-ի, որոնց զգալի մասը զբաղեցնում է շարքային, սերժանտական և ենթասպայական կազմի հաստիքներ։ Այս մասին ադրբեջանական «Թրենդ» գործակալությանը հայտնել է ՊՆ մամուլի ծառայության պետ, գնդապետ Վագիֆ Դարգահլըն։
Ադրբեջանական բանակի կին զինծառայողներ
Վերջինս նշել է՝ զինված ուժերի շարքերում քիչ չեն նաև կին զինծառայողները, ովքեր զբաղեցնում են սպայական ավագ կազմի հաստիքներ՝ ունենալով մայորի, փոխգնդապետի և գնդապետի կոչումներ։
Կին զինծառայողները ներգրավված են ինչպես ադմինիստրատիվ ոլորտում (միջազգային համագործակցության բաժին, կադրային աշխատանք և այլն), այնպես էլ մատակարարման և օպերատիվ ստորաբաժանումներում, որոնց թվում են կապի զորքերը, հետախուզական ստորաբաժանումները և թիկունքային ապահովման ծառայությունները։
Հավելենք, որ զինապարտության մասին օրենքի համաձայն, Ադրբեջանի քաղաքացի հանդիսացող և առողջական խնդիրներ չունեցող 19-ից 40 տարեկան կանայք կարող են համալրել զինված ուժերի շարքերը պայմանագրային հիմունքներով։