Մեկնարկել է Ադրբեջանի ռազմաօդային ուժերի ՀՕՊ ստորաբաժանումների զորավարժությունը

Ադրբեջանի ռազմաօդային ուժերի ՀՕՊ ստորաբաժանումներն այսօր՝ օգոստոսի 13-ին, սկսել են զորավարժություններ՝ Ադրբեջանի պաշտպանության նախարար, գեներալ-գնդապետ Զաքիր Հասանովի ստորագրած 2014-ի մարտական պատրաստվածության ծրագրի շրջանակներում։

Տեղեկությունը հաստատել է Ադրբեջանի պաշտպանության նախարարության պաշտոնական կայքը։ Այս պահի դրությամբ զորավարժությունից լուսանկարներ չեն հրապարակվել։

Ըստ աղբյուրի՝ զորավարժությունների ընթացքում մշակվելու են քայլեր ՀՕՊ զորքերի մարտունակությունը բարձրացնելու, կարևոր պետական ու ռազմական օբյեկտները պաշտպանելու, հարձակման ու պաշտպանության ժամանակ ցամաքային զորքերի հետ համատեղ արդյունավետ գործելու ուղղությամբ։ Հայտնի է նաև, որ կրակ է արձակվելու ուսումնական թիրախների՝ աերոդինամիկ, թևավոր ու բալիստիկ հրթիռների ուղղությամբ։

Ադրբեջանի պաշտպանության նախարարության կայքը չի հայտնում, թե երբ են ավարտվելու զորավարժությունները։

4 responses to “Մեկնարկել է Ադրբեջանի ռազմաօդային ուժերի ՀՕՊ ստորաբաժանումների զորավարժությունը

  1. Pingback: Ադրբեջանը զորավարժության ժամանակ կիրառել է «Բուկ-ՄԲ» ԶՀՀ (ֆոտո) | Ռազմ.info

  2. Pingback: Ռազմաշաբաթ. Ադրբեջան. օգոստոսի 10-16 | Ռազմ.info

  3. Pingback: Ադրբեջանում շարունակվում է ՀՕՊ զորավարժությունը. կիրառվել են Ս-300 ԶՀՀ-ներ | Ռազմ.info

  4. Pingback: Ադրբեջանը ստացել է «Բուկ-ՄԲ» զենիթահրթիռային համալիրներ | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *