ՌԴ ԶՈւ արևելյան ռազմական օկրուգի շուրջ 900 զինծառայող և 100 միավոր ռազմական տեխնիկա երկաթուղային միջոցներով Ռուսաստանից ճանապարհվել են Չինաստան՝ միջազգային «Խաղաղ առաքելություն-2014» զորավարժությանը մասնակցելու համար։
Այս մասին հայտնում է ռուսաստանյան «ԻՏԱՐ-ՏԱՍՍ» լրատվական գործակալությունը՝ հղում անելով օկրուգի մամուլի ծառայության ղեկավար, գնդապետ Ալեքսանդր Գորդեևին։
Ինչպես տեղեկացնում է գործակալությունը, ռուսաստանյան կողմը սահմանը կհատի օգոստոսի 13-ին։ Իսկ առաջիկայում Չինաստան կժամանեն 4 միավոր Սու-25 գրոհիչ ինքնաթիռներ և 8 միավոր Մի-8ՄՏ ուղղաթիռներ։
Տեղեկացնենք, որ զորավարժությանը մեկնարկը տրվելու է օգոստոսի 24-ին չինական «Չժուժիհե» զորավարժարանում։
Նշենք, որ սա «Շանհայի համագործակցության կազմակերպության» (ՇՀԿ) անդամ պետությունների համատեղ հակաահաբեկչական զորավարժությունն է, որին բացի ՌԴ-ից և Չինաստանից մասնակցում են նաև Ղազախստանը, Ղրղզստանը, Տաջիկստանը։
Pingback: ՌԴ ԶՈւ մոտ հազար զինծառայողներ ժամանել են Չինաստան՝ զորավարժությանը մասնակցելու | Ռազմ.info