[թարմացված] Քարվաճառում դիպուկահարի գնդակից պայմանագրային զինծառայող է զոհվել

Այսօր՝ օգոստոսի 4-ին, Քարվաճառի շրջանում հակառակորդի դիպուկահարից զոհվել է պայմանագրային զինծառայող, 40-ամյա Արամ Գրիգորյանը։

Այս մասին հայտնում է հայաստանյան «News.am» լրատվակայքը։ Մեր աղբյուրները, ցավոք, հաստատում են ստացված տեղեկությունը։

Ըստ լրատվական կայքի՝ Արամ Գրիգորյանն Արագածոտնի մարզի Պարտիզակ համայնքի բնակիչ է, մարտական հենակետ է գնացել 2 օր առաջ։

Զոհված զինծառայողն ամուսնացած էր, ուներ 3 անչափահաս երեխա։

Թարմացում՝ ՀՀ ՊՆ մամուլի քարտուղար Արծրուն Հովհաննիսյանն իր ֆեյսբուքյան էջում հայտնում է, որ զոհված պայմանագրային Արամ Մկրտիչի Գրիգորյանը կրտսեր սերժանտ է, ծնվել է 1971 թվականին։