Օգոստոսի 3-ից մինչ այժմ հակառակորդի հետախուզադիվերսիոն ներթափանցման փորձեր չեն ձեռնարկվել. ՊԲ

Թեև օգոստոսի 3-ին և այսօր առավոտյան հայ-ադրբեջանական հակամարտ զորքերի շփման գծում հակառակորդի կողմից հետախուզադիվերսիոն ներթափանցման փորձեր չեն ձեռնարկվել, այնուամենայնիվ, իրավիճակն առաջնագծում եղել է լարված, քանի որ ադրբեջանական զինուժը շարունակել է ինտենսիվ կերպով խախտել հրադադարի պահպանման ռեժիմը՝ հիմնականում կիրառելով հրաձգային, այդ թվում՝ խոշոր տրամաչափի զինատեսակներ:

Ինչպես հաղորդում է Պաշտպանության բանակի մամուլի ծառայությունը, հղում կատարելով իր օպերատիվ տվյալներին, օգոստոսի 3-4-ն ընկած ժամանակահատվածում հակառակորդի կողմից հրադադարի պահպանման ռեժիմը խախտվել է շուրջ 500 անգամ, որի ընթացքում, տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 8500 կրակոց:

ՊԲ առաջապահ ուժերը վստահորեն տիրապետում են իրադրությանն առաջնային գծում և պատասխան գործողությունների դիմում միայն խիստ անհրաժեշտության դեպքում:

One response to “Օգոստոսի 3-ից մինչ այժմ հակառակորդի հետախուզադիվերսիոն ներթափանցման փորձեր չեն ձեռնարկվել. ՊԲ

  1. Pingback: Ռազմաշաբաթ. Հայաստան. օգոստոսի 4-9 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *