Հոսպիտալում մահացել է ադրբեջանական հարձակումը կասեցնելիս վիրավորված զինծառայողը

Օգոստոսի 3-ին զինվորական հոսպիտալում  մահացել է նախօրեին Արցախի սահմանին ադրբեջանական հարձակումը կասեցնելիս վիրավորված, 1994 թվականին ծնված զինծառայող, կրտսեր սերժանտ Սարգիս Արմենի Մովսիսյանը։

Հիշեցնենք՝ օգոստոսի 2-ի առավոտյան հայտնի դարձավ, որ հայ-ադրբեջանական զորքերի շփման գծի Արցախի հատվածում՝ Մարտակերտի ուղղությամբ, հակառակորդը ձեռնարկել է հետախուզադիվերսիոն ներթափանցման փորձ, ինչի հետևանքով ունեցել է առնվազն 4 սպանված։

Ցավոք, գործողության ընթացքում զոհվել էր նաև Պաշտպանության բանակի սպա, ավագ լեյտենանտ, 1989-ին ծնված Զորիկ Ժիրայրի Գևորգյանը։ Ավելի ուշ Արցախի նախագահ Բակո Սահակյանի հրամանագրով Զորիկ Գևորգյանը հետմահու պարգևատրվեց «Արիության համար» մեդալով։