Արցախի զորահանդեսում ցուցադրված զինտեխնիկայի շարքերում աչքի ընկավ նաև հարձակվողական տեխնիկան, իսկ Ադրբեջանի արձագանքը եղավ միայն մեկը՝ տեխնիկական խնդիրներ չգտնելու պատճառով զորահանդեսն անվանվեց «անօրինական»: Հոգեբանը խոսել է բանակում ինքնասպանություններ ծնող երեք հանգամանքից: Համանախագահները հայտարարություն են տարածել:
- Հայաստանի Հանրապետության նախագահ Սերժ Սարգսյանը մայիսի 15-ին աշխատանքային այցով կմեկնի Ռուսաստանի Դաշնություն` մասնակցելու ՀԱՊԿ խորհրդի հոբելյանական նստաշրջանին:
- «Երբեք համաշխարհային հանրությունը Արցախը չի համարել ադրբեջանական տարածք, երբեք դա չի ամրագրվել ոչ մի միջազգային փաստաթղթում, դա ակնհայտ սուտ է»,- անդրադառնալով ադրբեջանական կողմի այն հայտարարությանը, թե Արցախյան զորահանդես անօրինական էր՝ ասել է ռազմական փորձագետ Արծրուն Հովհաննիսյանը՝ հավելելով, որ զորահանդեսում ցուցադրված տեխնիկան արդեն բավարար է, որ ընդհանուր կարծիք կազմվի պաշտպանական բանակի հարձակողական ներուժի մասին։
- Հոգեբան Սամվել Խուդոյանը նշել է երեք հանգամանք, որոնք «նպաստում են» բանակում ինքնասպանությանը. «Բանակում 18-20 տարեկան երիտասարդներ են, այդ տարիքը խոցելի խումբ է ինքնասպանությունների առումով, դեռահասները, պատանիները փորձում են ինքնահաստատվել, ճնշում են շատ հաճախ, և այնպիսի իրավիճակ են ստեղծում մարդու համար, որ իսկապես խորը դեպրեսիա է առաջանում, և հաճախ են այս վիճակում ինքնասպանություններ գործում: Մյուս պրոբլեմն այն է, որ հաճախ բանակ են տանում մարդկանց, ովքեր իսկապես հիվանդ են, հոգեկան լուրջ պրոբլեմներ ունեն»:
- ԵԱՀԿ Մինսկի խմբի համանախագահներն իրենց «մտահոգություն են հայտնել շփման գծի երկայնքով վերջին միջադեպերի առնչությամբ և կոչ արել կողմերին զսպվածություն ցուցաբերել ու զերծ մնալ պատասխան գործողություններից»:
- Իրանը հյուսիսարևելյան շրջաններում եռօրյա զորավարժություններ է սկսել:
- Իրանի ԶՈւ ռազմաօդային ուժերը համալրվել են նոր «Սաեղե» կործանիչներով: