Ադբեջանի հարավային Մասալլըի շրջանում՝ Ալյաթ-Աստարա ավտոճանապարհի հատվածում, հուլիսի 14-ի առավոտյան ժամերին Ադրբեջանի ներքին զորքերի վարչությանը պատկանող «ԳԱԶ-3108» ավտոմեքենան բախվել է «ՎԱԶ-21154» ավտոմեքենային։
Ինչպես հաղորդում է ադրբեջանական ԱՊԱ լրատվական գործակալությունը, «ՎԱԶ-21154» ավտոմեքենայի վարորդը և ուղևորները, որոնք Լենքորանի բնակիչներ են, տարբեր աստիճանի վնասվածքներով տեղափոխվել են Մասալլըի կենտրոնական հիվանդանոց։
ՆԶ-ին պատկանող ավտոմեքենայի վարորդը՝ ներքին զորքերի պայմանագրային զինծառայող, 1991-ին ծնված Էլչին Էլես օղլու Գոջաևը, և ուղևորները չեն տուժել։
Ըստ աղբյուրի՝ ներկայումս ընթանում է հետաքննություն ՃՏՊ-ի պատճառները պարզելու համար։