Հուլիսի 18-ին Վիետնամը սեփական արտադրության միանգամից երկու հրթիռային կատերով համալրել է իր նավատորմը։ Կատերները պատկանում են «Մոլնիա» կոչվող դասին։
Վիետնամի նավատորմի կատերը
Այս մասին հայտնում է վիետնամական Tuoitrenews պարբերականը։
HQ377 ևHQ378 կատերների հանձման արարողությունը եղել է Վիետնամի հարավային Դոնգ Նայ նահանգի ռազմածովային 2-րդ շրջանի նավահանգստում։
Կատերները նախապես Վիետնամի պաշտպանության նախարարությունը փոխանցել էր ռազմածովային 2-րդ շրջանի 167 ծովային բրիգադին։
Հավելենք, որ կատերները նախագծվել են ռուսական տարբերակի հիման վրա։ Կառուցվել են երկրի գլխավոր ռազմաարդյունաբերական Ba Son նավաշինարանում։
Նշենք, որ կատերներից յուրաքանչյուրը սպառազինված է 16 հրթիռով և 2 միավոր ԱԿ-630 հրետանային համակարգերով, որոնց լրակազմը 400 արկ է։
Այս կատերների երկարությունը 56 մետր է, լայնությունը՝ 10,2 մետր։ Անձնակազմը 41 հոգի է։