2014-ի հուլիսի 8-ից 10-ը ՀՀ պաշտպանության նախարարության վարչական համալիրում անցկացվել է ՀՀ ռազմաուսումնական հաստատությունների դասախոսների վերապատրաստմանն ուղղված մեթոդական աշխատաժողովը:
Պարապմունքների անցկացման համար Երևան էր ժամանել Պաշտպանական ակադեմիաների և անվտանգային հետազոտությունների ինստիտուտների Գործընկերություն Հանուն Խաղաղության Կոնսորցիումի մեթոդիստների խումբը:
Հավելենք, որ աշխատաժողովին մասնակցում էր ՀՀ ՊՆ Վազգեն Սարգսյանի անվան ռազմական, Մարշալ Խանփերյանցի անվան ռազմական ավիացիոն, Կանայանի անվան Ազգային ռազմավարական հետազոտությունների ինստիտուտների պրոֆեսորադասախոսական և վերլուծաբանական կազմը:
Եռօրյա համաժողովը միտված էր մասնակիցների միջև փորձի փոխանակման միջոցով պաշտպանական կրթության և ուսուցման բնագավառում նոր մոտեցումների շուրջ փոխներգործող քննարկումների անցկացմանը: Քննարկումների առանցքային թեման հեռավար տարաբաշխված ուսուցման հնարավորությունները պաշտպանական կրթության ծրագրերում ներմուծելն էր:
Քննարկվող հարցերի շրջանակը ներառել է ակտիվ ուսուցման ռազմավարությունը, դասընթացների նախագծման, անցկացման և գնահատման մոտեցումները, մեթոդները, ինչպես նաև ուսումնական նպատակների և վերջնական արդյունքների սահմանումը: