Վրաստանում ավարտվել է գարնանային զորակոչը

Վրաստանի տարածաշրջանային զարգացման և ենթակառուցվածքների նախարարի առաջին տեղակալ Թենգիզ Շերգելաշվիլին հուլիսի 1-ին հրապարակել է 2014 թվականի գարնանային զորակոչի արդյունքները։

Վրաստանի ԶՈւ զինծառայողներ

Ըստ հրապարակման՝ գարնանային զորակոչի ընթացքում ժամկետային պարտադիր զինծառայության են կանչվել 2582 զորակոչիկ։

Ըստ Շերգելաշվիլիի՝ զորակոչիկների թիվն ամբողջությամբ բավարարում է պաշտպանության նախարարությանը։

600 զինծառայող ծառայելու է պաշտպանության նախարարությունում, 1200 զինծառայող ներքին գործերի նախարարությունում, ևս 782 զինծառայող ծառայելու է պատիժների և պայմանական դատապարտման կատարման նախարարությունում։

Նշենք, որ Վրաստանում գարնանային զորակոչը համակարգել է Վրաստանի տարածաշրջանային զարգացման և ենթակառուցվածքների նախարարությունը։
Հավելենք, որ գարնանային զորակոչն արդեն ավարտվել է, իսկ աշնանային զորակոչի մեկնարկը կտրվի օգոստոսին։

Տեղեկացնենք, որ Վրաստանն իր զինված ուժերը համալրում է խառը սկզբունքով, այսինքն` ինչպես պարտադիր զորակոչի, այնպես էլ պայմանագրային զինծառայության միջոցով:

Վրաստանում զորակոչային տարիքն է 18-27-ը: Պարտադիր ծառայությունը տևում է 18 ամիս: