Կիրակի օրը, Մոսկվայի կենտրոնում կայացած՝ ընդդիմադիրների ակցիայի մասնակից ավելի քան 100 երիտասարդ, զինկոմիսարիատ ներկայանալու ծանուցագիր է ստացել:
«Իրավապահ մարմնի ներկայացուցիչները ձերբակալել են կարգուկանոնը խախտողների, որոնց թվում եղել է զորակոչի տարիքի՝ մինչև 27 տարեկան ավելի քան 100 երիտասարդ: Նրանցից 70-ը երկար ժամանակ խուսափել են զորակոչի ծանուցագրի ստացումից»,- հայտնել է Մոսկվայի զինկոմիսարի օգնական Վալերի Աստանինը:
Նա նաև հավելել է, որ «բերման ենթարկվածներին զինկոմիսարիատ ներկայանալու ծանուցագրեր են տրվել, որով պետք է հստակեցվեն զինվորական հաշվառման մանրամասները»:
Նշենք, որ երիտասարդները բողոքում էին Ռուսաստանի նորընտիր նախագահ Վլադիմիր Պուտինի՝ այսօր կայանալիք երդմնակալության արարողության դեմ:
Աղբյուր՝ Задержанным оппозиционерам вручили свыше 100 повесток в военкомат