Ադրբեջանում զինված ուժերի կազմավորման 96 ամյակի կապակցությամբ անցկացվել է զորավարժություն

Ադրբեջանում զինված ուժերի կազմավորման 96 ամյակի կապակցությամբ անցկացվել է օպերատիվ-մարտավարական զորավարժություն զինված ուժերի, ներքին զորքերի և սահմանապահ պետական ծառայության ստորաբաժանումների մասնակցությամբ, որոնց հետևել է նաև նախագահ Իլհամ Ալիևը։ Այս մասին հայտնող հաղորդագրությունը տեղադրվել է նախագահի կայքում։

Ձախից՝ աջ ՊՆ, գեներալ-գնդապետ Զաքիր Հասանովը, նախագահ Իլհամ Ալիևը, ներքին գործերի նախարար, գեներալ-գնդապետ Ռամիլ Ուսուբովը և սահմանապահ պետական ծառայության պետ, գեներալ-լեյտենանտ Էլչին Գուլիևը

Հրամանատարական կազմը զորավարժությանը հետևելիս

Զորավարժությանը հետևել են նաև պաշտպանության և ներքին գործերի նախարարները, զինված ուժերի գլխավոր շտաբի պետն ու սահմանապահ պետական ծառայության պետը։

Ընդհանուր առմամբ, զորավարժությունում ներգրավված են եղել շուրջ 4 000 զինծառայող, 80 տանկ, 100 զրահամեքենա, 80 հրետանային համակարգ, 10 մարտական ինքնաթիռ և 20 ուղղաթիռ։

Նախքան ակտիվ փուլի մեկնարկը, նախագահ Իլհամ Ալիևին ցուցադրել են ադրբեջանական բանակում կիրառվող սպառազինության նմուշները, որից հետո զորավարժարանի տարածքում մեկնարկել են վերոնշյալ ուժային կառույցների ստորաբաժանումների փոխկապակցված գործողությունները։

Զորավարժության ավարտին Իլհամ Ալիևը շնորհավորել է բոլոր մասնակիցներին զինված ուժերի կազմավորման 96-ամյակի կապակցությամբ ու պարգևատրել առավել աչքի ընկած զինծառայողներին։

Խմբակային լուսանկար զորավարժության մասնակիցների հետ

Խմբակային լուսանկար զորավարժության մասնակիցների հետ

One response to “Ադրբեջանում զինված ուժերի կազմավորման 96 ամյակի կապակցությամբ անցկացվել է զորավարժություն

  1. Pingback: Ռազմաշաբաթ. Ադրբեջան. հունիսի 22-28 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *