ՀՀ արտգործնախարարը ելույթ ունեցավ Աֆղանստանում անվտանգության աջակցության ուժերին մասնակցող պետությունների ԱԳՆ հանդիպմանը

Հունիսի 25-ին ՀՀ արտգործնախարար Էդվարդ Նալբանդյանը Բրյուսելում ներկա գտնվեց և ելույթ ունեցավ Աֆղանստանում անվտանգության աջակցության միջազգային ուժերին մասնակցող երկրների ԱԳ նախարարների հանդիպմանը։ 

Հայաստանի արտգործնախարարը ելույթ ունեցավ Աֆղանստանում անվտանգության աջակցության ուժերին մասնակցող պետությունների արտգործնախարարների հանդիպմանը

Հայաստանի արտգործնախարարը ելույթ ունեցավ Աֆղանստանում անվտանգության աջակցության ուժերին մասնակցող պետությունների արտգործնախարարների հանդիպմանը

Աֆղանստանում տիրող իրավիճակին և միջազգային հանրության անելիքներին նվիրված հանդիպմանը մասնակցում էին ՆԱՏՕ-ի անդամ և Աֆղանստանում անվտանգության աջակցության միջազգային ուժերին մասնակցող շուրջ հինգ տասնյակ երկրների ԱԳ նախարարներ:

Հայաստանի արտաքին քաղաքական գերատեսչության ղեկավարն իր ելույթի ժամաակ նշեց, որ միջազգային հանրությունը հետևողական ջանքեր է գործադրել Աֆղանստանում անվտանգության և կայունության հաստատման համար, և այժմ, երբ երկրում անվտանգության ապահովման գործառույթը փոխանցվել է Աֆղանստանի անվտանգության ազգային ուժերին, կարևոր է նրանց համապատասխան օգնության ցուցաբերումը իրենց առաքելությունն արդյունավետ իրականացնելու համար։

Նալբանդյանը հույս հայտնեց, որ Աֆղանստանում ի հայտ եկած հետընտրական բարդությունները հնարավոր կլինի հաղթահարել կառուցողական, կողմերի համար ընդունելի եղանակով՝ ճանապարհ հարթելով երկրում կայունության հաստատման և անվտանգության ապահովման համար։

Նալբանդյանն իր խոսքում վերահաստատեց Հայաստանի հանձնառությունը շարունակելու օժանդակությունը Աֆղանստանում անվտանգության և ներազգային համերաշխության  հաստատման ուղղությամբ գործադրվող միջազգային հավաքական ջանքերին, տեղեկացնում է ՀՀ ԱԳՆ մամուլի ծառայությունը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *