Պաշտոնական այցով Վրաստանում է Լատվիայի պաշտպանության նախարար Ռայմոնդ Վեյոնիսը։ Նրան ընդունել է Վրաստանի պաշտպանական գերատեսչության նախարար Իրակլի Ալասանիան։
Վրաստանի և Լիտվայի պաշտպանության նախարարները
Այս մասին տեղեկացնում է Վրաստանի պաշտպանության նախարարության մամուլի ծառայությունը։
Կողմերը քննարկել են երկկողմ ռազմական համագործակցության հարցեր, ինչպես նաև ՆԱՏՕ-ին Վրաստանի անդամակցության հարցը։
Հավելենք, որ պատվիրակության կազմում է նաև Լատվիայի պաշտպանության նախարարի տեղակալ Մարիուս Վելիչկան, որին ընդունել է Վրաստանի ՊՆ տեղակալ Միխաիլ Դարչիաշվիլին։
Հանդիպմանը վրացական կողմը ներկայացրել է, թե ինչ առաջընթաց է գրանցել պաշտպանական համակարգում։ Մասնավորապես շեշտվել են ՆԱՏՕ-ին ինտեգրվելու ջանքերը, բարեփոխումները զինված ուժերում, ինչպես նաև ռազմական բազաների ենթակառուցվածքների հարցերը։
Կողմերը քննարկել են նաև երկկողմ ռազմական համագործակցության, տարածաշրջանային անվտանգության և այլ հարցեր։
Հունիսի 26-28-ը Մարիուս Վելիչկան մասնակցելու է «Վրաստանի պաշտպանությունն ու անվտանգությունը» թեմայով կոնֆերանսին։