Իրանն Իրաքի տարածք է մտցրել Իսլամական հեղափոխության պահապանների կորպուսի ստորաբաժանումները։ Իրանյան լրացուցիչ ուժերի տեղակայում Իրաքի հետ սահմանին։ Իրաքի մարտերում զոհվել է իրանյան հատուկ նշանակության ստորաբաժանման մարտիկ։ Իրանում նախագծել են TOW հակատանկային կառավարվող հրթիռի 7 նոր տեսակ։
Զոհված զինծառայող Ալի Ռեզա Մոջերիի հուղարկավորությունը
” Իրանը պաշտոնապես շարունակում է հերքել, թե Իրաքում ունի զորախումբ, սակայն այդ տեղեկությունը հաստատվում է տարբեր աղբյուրներով։ Համաձայն դրանց, տրանսպորտային ավիացիայի միջոցով Բաղադադ է ժամանել Իսլամական հեղափոխության պահապանների կորպուսի «Սաբերին» արագ արձագանքման ստորաբաժանումը, իսկ ցամաքային ճանապարհով իրան-իրաքյան սահմանը հատել է իրանցի շուրջ 2 000 զինծառայող։
” Իրանը մեծացրել են ռազմական ներկայությունն Իրաքի հետ սահմանի երկայնքով։ Այս մասին հայտարարել է ցամաքային զորքերի հրամանատար, բրիգադի գեներալ Հայդարի Քիոմարը։ Դա արվել է կանխարգելիչ միջոցառումների շրջանակներում, որոնք իրականացվում են Իրաքի տարածքում ծավալվող իրադարձություններին ի պատասխան։
” Իրաքի և Լևանտի իսլամական պետություն ծայրահեղ իսլամիստական խմբավորման դեմ Իրաքում մղվող մարտերում զոհվել է Իսլամական հեղափոխության պահապանների կորպուսի զինծառայող Ալի Ռեզա Մոջերին, ով ծառայում էր արագ արձագանքման «Սաբերին» ստորաբաժանման կազմում։ Նրա դին բերել են Իրան և հուղարկավորել հունիսի 15-ին։
” Իրանի պաշտպանության նախարարի տեղակալ, Իրանի աերոտիեզերական կազմակերպության ղեկավար, բրիգադի գեներալ Մեհդի Ֆարրոհին հայտնել է հակատանկային կառավարվող նոր հրթիռների սպառազինության ընդունման մասին։ TOW հակատանկային կառավարվող հրթիռների հիման վրա նախագծվել է դրանց 7 նոր տեսակ, որոնց շարքը ստացել է Toophan անվանումը։ Առաջիկայում նախատեսվում է նախագծել այս դասի հրթիռների ևս 4 տեսակ։
Ռազմաշաբաթը նաև՝