Վրաստանում զինվորական համազգեստը կընտրվի մրցութային կարգով։ Ավարտվել է ԱՄՆ բանակի զինծառայողների հետ համատեղ անցկացվող Agile Spirit 2014 զորվարժությունը։ Վրաստանը կվաճառի ռազմաօդային ուժերի ավիապարկում առկա 12 միավոր Սու-25 գրոհիչներից 6-ը։ Հաստատվել է ազգային ռազմական ռազմավարությունը։
” Վրաստանի ռազմական ոստիկանությունը նշել է կազմավորման 9-րդ տարեդարձը։ Այս կապակցությամբ հանդիսավոր միջոցառում է անցկացվել հունիսի 16-ին՝ պաշտպանության նախարարությունում։
” Հունիսի 17-ին Վրաստանի պաշտպանության նախարարությունում բաց դռների օր էր, որի նպատակն էր վերհանել զինվորական համազեստի լավագույն նմուշը։ Այցելուներին ներկայացված էին ինչպես վրաստանյան, այնպես էլ արտասահմանյան բանակների համազգեստներ։
” Հունիսի 17-ին մայրաքաղաք Թբիլիսիի արվարձաններում տեղակայված Վիզիանի ռազմաբազայում ավարտվել է ԱՄՆ բանակի զինծառայողների հետ համատեղ անցկացվող Agile Spirit 2014 զորավարժությունը։ Դրանում ներգրավված են եղել Վրաստանի զինված ուժերի տարբեր ստորաբաժանումների, ինչպես նաև ԱՄՆ բանակի ծովային հետևակի կորպուսի զինծառայողներ։
” Վրաստանի պաշտպանության նախարարությունը նախատեսում է վաճառել ռազմաօդային ուժերի ավիապարկում առկա 12 միավոր Սու-25 գրոհիչներից 6-ը։ Այս մասին հունիսի 19-ին հայտարարել է զինված ուժերի գլխավոր շտաբի պետի տեղակալ, գնդապետ Վլադիմիր Չաչիբայան։
” Հունիսի 17-ին Վրաստանի կառավարութունը հաստատել է ազգային ռազմական ռազմավարությունը։ Այդ մասին լրատվամիջոցներին հայտնել է պաշտպանության նախարար Իրակլի Ալասանիան՝ կառավարության նիստից հետո։
” Հունիսի 20-ին Վրաստանի պաշտպանության նախարար Ալասանիան հանդիպել է Մեծ Բրիտանիայի պաշտպանության նախարարության ռազմավարության և միջազգային անվտանգության նախարար Էնդրյու Մուրիսոնին։ Հանդիպումը կայացել է Իրակլի Ալասանիայի՝ Մեծ Բրիտանիա և Իռլանդիա կատարած պաշտոնական այցի շրջանակներում։
” Վրաստանի զինված ուժերի մեխանիզացված 4-րդ բրիգադի վաշտը շուտով կմիանա Աֆղանստանում իրականացվող Resolute Support (վճռական աջակցություն) առաքելությանը։ Այդ նպատակով ընտրված զինծառայողները վերապատրաստում կանցնեն Գերմանիայում տեղակայված ռազմաբազաներում։
Ռազմաշաբաթը նաև՝
Pingback: Ռազմաշաբաթ. Թուրքիա. հունիսի 15-21 | Ռազմ.info