Դիվերսիա` Արցախի Մարտունու շրջանի ուղղությամբ: Արարատի զորամասերից մեկում զինծառայող է մահացել: ԵԱՀԿ դիտարկում Տավուշի մարզում: Փոխգնդապետ Գարիկ Բալայանին` «Արիության համար» մեդալ:
Նկարում հայկական հենակետից երևում է ադրբեջանական խրամատների մեջը
Նկարը` Կարեն Վրթանեսյանի
-Հունիսի 19-ի լույս 20-ի գիշերը Ադրբեջանի զինված ուժերը դիվերսիա են կազմակերպել առաջնագծում՝ Արցախի Մարտունու շրջանի ուղղությամբ։ Հակառակորդի դեմ մարտում զոհվել է պայմանագրային զինծառայող, ավագ սերժանտ Նարեկ Պողոսյանը։
-Հունիսի 20-ին հայ-ադրբեջանական սահմանագոտու հարավ-արևմտյան (Արարատ) ուղղությամբ տեղակայված զորամասերից մեկի պահպանության տեղամասի մարտական հենակետում մահացել է1994 թվականին ծնված ժամկետային զինծառայող, շարքային Գրիշա Մուրադի Խաչատրյանը:
-Հունիսի 17-ին ԵԱՀԿ գործող նախագահի անձնական ներկայացուցչի գրասենյակի կողմից անցկացվել է հայ-ադրբեջանական սահմանագծի հերթական դիտարկումը ՀՀ Տավուշի մարզի Կիրանց գյուղի հատվածում: Դիտարկումն անցկացվել է տեսողական շփման միջոցով, քանի որ Ադրբեջանը կրկին հրաժարվել է սահմանը հատելու և երկկողմ շփում անցկացնելու առաջարկից: Դիտարկման ընթացքում հրադադարի ռեժիմի խախտման դեպք չի արձանագրվել:
-Սահմանը պաշտպանելիս ցուցաբերած արիության համար Պաշտպանության բանակի զորամասերից մեկի հրաձգային գումարտակի հրամանատար, փոխգնդապետ Գարիկ Բալայանը հետմահու պարգևատրվել է «Արիության համար» մեդալով։ Բալայանը զոհվել էր մայիսի 25-ին հայ-ադրբեջանական զորքերի առաջնագծի հարավային ուղղությամբ տեղակայված ՊԲ զորամասերից մեկի մարտական հենակետում հակառակորդի դիպուկահարի կրակից:
-ՀՀ պաշտպանության նախարար Սեյրան Օհանյանը հունիսի 19-ին աշխատանքային այցով եղել հանրապետության հարավ-արևմտյան սահմանագոտում տեղակայված զորամիավորումում։ Սեյրան Օհանյանը ծանոթացել մարտական հերթապահության իրականացմանը, որն այդ հատվածում ընթանում է կլիմայական բարդ պայմաններում՝ ծովի մակերևույթից մոտ 3 000 մետր բարձրության վրա։
-Կառավարությունը հաստատել է պաշտպանության նախարար Սեյրան Օհանյանի՝ կառավարության որոշման նախագիծը, որի համաձայն Հայաստանը շուրջ 406,65 մլն դրամի ներդրում է անելու հայ-լեհական «Լյուբավա-Արմենիա» ռազմարդյունաբերական ընկերությունում՝ ակնկալելով լեհական կողմի համապատասխանաբար շուրջ 10 մլն ամերիկյան դոլարի ներդրումներ:
-Միջազգային և համեմատական իրավունքի հայկական կենտրոնը պաշտպանության նախարարության հետ համատեղ արդեն երկրորդ տարին զորակոչային տարիքի երիտասարդներին և նրանց ծնողներին տրամադրում է անվճար իրավաբանական խորհրդատվություն։ Խորհրդատվության և զորակոչիկներին հուզող հարցերի մասին Ռազմինֆոն զրուցել է կենտրոնի տնօրեն, իրավաբան Տարոն Սիմոնյանի և փորձագետ Նարինե Բաբայանի հետ:
Ռազմաշաբաթը նաև`
Pingback: Ռազմաշաբաթ. Իրան. հունիսի 15-21 | Ռազմ.info
Pingback: Ռազմաշաբաթ. Վրաստան. հունիսի 15-21 | Ռազմ.info