Ադրբեջանում զինծառայողը կրակել է ծառայակիցների վրա՝ սպանելով նրանցից մեկին, ապա ինքնասպան է եղել։ Դեպքը եղել է Ադրբեջանի՝ արևմտյան հատվածում տեղակայված զորամասերի մեկում։
Այս մասին հայտնում է ադրբեջանական ԱՊԱ լրատվական գործակալությունը՝ հղում կատարելով Ադրբեջանի պաշտպանության նախարարության մամուլի ծառայությունից ստացած տեղեկությանը։
Հունիսի 20-ին՝ 06։45-ի սահմաններում, ադրբեջանական բանակի զինծառայող Աղաքիշիև Բահրուզ Խագանի օղլուն իրեն ամրակցված զենքով կրակել է Ահմեդով Քյամրան Ինթիգամ օղլուի և Աբդուլաև Նեյման Էլման օղլուի վրա։ Ստացված հրազենային վերքերից Աբդուլաևը տեղում մահացել է, իսկ Ահմեդովին տեղափոխել են հիվանդանոց. նրա վիճակը ծանր է։
Ծառայակիցների վրա կրակելուց հետո Աղաքիշիևն ինքնասպան է եղել։
Դեպքի առնչությամբ հետաքննություն է ընթանում։
Pingback: Ադրբեջանական դիվերսիան հետ մղելիս ՊԲ զինծառայող է զոհվել | Ռազմ.info
Pingback: Ռազմաշաբաթ. Ադրբեջան. հունիսի 15-21 | Ռազմ.info
Pingback: Ադրբեջանի զինուժի կորուստները 2014-ի հունիսին. Ռազմինֆո | Ռազմ.info