Հունիսի 19-ի լույս 20-ի գիշերը Ադրբեջանի զինված ուժերը դիվերսիա են կազմակերպել առաջնագծում՝ Արցախի Մարտունու շրջանի ուղղությամբ։
Հայկական կողմն ադրբեջանական դիվերսիան չեզոքացնելու ժամանակ կորուստ է ունեցել։ Հակառակորդի դեմ մարտում զոհվել է պայմանագրային զինծառայող, ավագ սերժանտ Նարեկ Պողոսյանը։
Հայկական Times.am լրատվակայքը, հղելով սեփական աղբյուրներին, նշում է, որ ադրբեջանական կողմը դիվերսիայի ընթացքում զոհեր է ունեցել։
Միևնույն ժամանակ Ադրբեջանի պաշտպանության նախարարությունն այսօր առավոտյան հայտնել է, որ «գիշերն արևմտյան ուղղությամբ Ադրբեջանի ԶՈւ զորամասերից մեկում զինծառայողը սպանել է ծառայակցին, ծանր վիրավորել ևս մեկին, ինչից հետո ինքնասպան է եղել»։
Դեռևս հստակ չէ՝ արդյոք Ադրբեջանն այս միջադեպով փորձում է կոծկել Մարտունու ուղղությամբ դիվերսիայի ժամանակ իր կորուստները, թե սա առանձին դեպք է, որը կապ չունի դիվերսիայի հետ։
Pingback: Ռազմաշաբաթ. Հայաստան. հունիսի 15-21 | Ռազմ.info
Pingback: Հայկական զինուժի կորուստները 2014-ի հունիսին. Ռազմինֆո | Ռազմ.info