Հայաստանի Էրեբունի օդանավակայանում հունիսի 23-ին ժամը 11-ին հայտարարվել է բաց դռների օր, որի ժամանակ ռուսաստանյան բարձրագույն պիլոտաժի «Ստրիժի» (ռուս` Стрижи) ավիացիոն խումբը ավիաշոու կցուցադրի Երևանի երկնքում։
Ռուսաստանյան «Ստրիժի» ավիացիոն խումբը
Այս մասին տեղեկացնում է ՌԴ ԶՈւ հարավային ռազմական օկրուգի մամուլի ծառայությունը։
Հաղորդագրությունում նշվում է, որ միջոցառումը սկսվելու է զորամասի դրոշի հանդիսավոր դուրս բերմամբ և շքերթով։ Ներկա են լինելու հարավային ռազմական օկրուգի հրամանատարությունը, ՀՀ ՊՆ ներկայացուցիչներ, ՀՀ-ում ՌԴ դեսպան Իվան Վոլինկինը, Հայաստանում Ռուսաստանի ԱԴԾ սահմանապահ վարչության ներկայացուցիչներ և այլք։
Նշենք, որ ավիաշոուին մասնակցելու են Ռուսաստանի ռազմաօդային ուժերի ՑՊԱՏ 237-րդ գվարդիական գնդի օդաչուները, ՀՀ Պաշտպանության նախարարության ռազմական ավիացիայի օդաչուները:
Միջոցառմանը ելույթ են ունենալու նաև Հայաստանի պարաշյուտային սպորտի պարաշյուտիստները։
Տեղեկացնենք, որ «Ստրիժի» ավիացիոն խումբը կազմված է ՄիԳ-29 կործանիչներից։