Թուրքիան կարող է կառավարվող հրթիռներ վաճառել Գերմանիային

Թուրքական ընկերությունն իր արտադրած կառավարվող հրթիռները ցանկանում է վաճառել Գերմանիայի զինված ուժերին, ինչի համար էլ համագործակցում է գերմանական MBDA Deutschland ընկերության հետ։

Թուրքական Roketsan (Ռոքեթսան) ընկերությունը Գերմանիայի զինված ուժերի Airbus Helicopters EC665 Tiger UHT հարվածային ուղղաթիռների համար առաջարկում է Cirit (Ջիրիթ) հրթիռները, որոնք ներկայում օգտագործում են Թուրքիայի զինված ուժերը։

Ջիրիթ հրթիռ. Թուրքիայի ԶՈւ

Ջիրիթ հրթիռ. Թուրքիայի ԶՈւ

 

Մասնավորապես, թուրքական արտադրության հրթիռներն օգտագործվում են թուրքական բանակի Bell AH-1W Cobra, ինչպես նաև վերջերս սպառազինության ընդունած թուրք-իտալական T129 Atak ուղղաթիռների վրա։

Մայիսի վերջին թուրքական և գերմանական ընկերությունները համաձայնագիր են կնքել, որի շրջանակներում էլ Գերմանիայի ռազմաօդային ուժերի կարիքների համար առաջարկելու են Cirit հրթիռները, տեղեկացնում է «Ջեյնս» ռազմական հանդեսը։

Նշենք, որ Cirit (Ջիրիթ) լազերային կառավարմամբ 70 մմ-ոց հրթիռ է, որի մշակողն ու արտադրող Roketsan ընկերությունն է։ Արտադրվում է 2011 թվականից։ Քաշը 14 կգ է (մարտագլխիկը՝ 3 կգ), երկարությունը՝ 1.9 մ, իսկ տրամագիծը՝ 70 մմ։

Նախատեսված է ցամաքում հակառակորդի կենդանի ուժն ու զրահատեխնիկան խոցելու համար։ Կարող է խոցել թիրախներ մինչև 8 կմ հեռավորության վրա։

Բացի թուրքական զինուժից, Cirit հրթիռներ են մատակարարվում ԱՄԷ զինված ուժերին։

One response to “Թուրքիան կարող է կառավարվող հրթիռներ վաճառել Գերմանիային

  1. Pingback: Հրթիռներ արտադրող թուրքական ընկերությունը կհամագործակցի Saab-ի հետ | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *