Ռուսաստանյան Սուխոյ ավիաշինական ընկերությունը 2014-ի հունիսի 10-ին ՌԴ պաշտպանության նախարարությանն է փոխանցել Սու-34 ճակատային ռմբակոծիչների առաջին խմբաքանակը։ Մատակարարումն իրականացվել է 2013-ին ստացած պետական խոշոր ծավալների պատվերի շրջանակում։ Այս մասին հայտնող հաղորդագրությունը տարածել է ընկերության մամուլի ծառայությունը։
Սու-34 ճակատային ռմբակոծիչ
Հայտնի է, որ 2013-ին կնքված պայմանագրով ընկերությունն ինքնաթիռներ կմատակարարի զինված ուժերին մինչև 2020 թվականը, իսկ պատվերի նախնական քանակը 92 միավոր է։
Հանձնման-ընդունման հանդիսավոր արարողությունը կայացել է Նովոսիբիրսկի ավիաշինական գործարանում, որտեղից էլ ճակատային ռմբակոծիչները կատարել են ռազմաօդային ուժերի կազմում իրենց առաջին թռիչքը և ուղղություն վերցրել մշտական տեղակայման ավիաբազաներ։
Սու-34 ճակատային ռմբակոծիչը կարող է զարգացնել մինչև 1 900 կմ/ժ առավելագույն արագություն, թռիչքի առաստաղը 15 000 մետր է։ Ինքնաթիռը կարող է մարտական խնդիրներ կատարել մինչև 4 000 կմ հեռավորության վրա։ Սպառազինությունում Սու-34-ն ունի 1 հատ 30 մմ-անոց ավիացիոն հրանոթ և ամրացման 12 կետ՝ մինչև 8 000 կգ ընդհանուր զանգվածով ռումբ և հրթիռային սպառազինություն կրելու հնարավորությամբ։
Pingback: ՌԴ Սու-34 ռմբակոծիչները մարտական հերթապահություն են իրականացնելու Ռոստովում՝ Ուկրաինայի սահմանի մոտ (վիդեո) | Ռազմ.info
Pingback: Ռուսաստանի զինուժը շուտով կստանա 100-րդ Սու-34 ռմբակոծիչը. (ֆոտո) | Ռազմ.info