Մյանմայի ռազմաօդային ուժերի ՄիԳ-29 կործանիչը հունիսի 11-ին ուսումնական թռիչքի ժամանակ վայր է ընկել երկրի կենտրոնական հատվածի գյուղերից մեկի մոտակայքում։
Ականատեսները տեղեկացնում են, թե ինքնաթիռի երկու օդաչուները կատապուլտի օգնությամբ դուրս են ցատկել վայր ընկնող ինքնաթիռից և հաջող վայրէջք կատարել։ ՄիԳ-29-ն (մոդիֆիկացիան չի նշվում) ընկել է Մյանմայի Մագվե շրջանի Մյոթհիթ բնակավայրի մոտ։Ինքնաթիռի վայր ընկնելու հետևանքով ցամաքում տուժողներ չեն եղել, տեղեկացնում են տեղի լրատվամիջոցները։
Մյանմարի ռազմաօդային ուժերը հաստատել են ավիավթարի փաստը, սակայն դրա հնարավոր պատճառների մասին տեղեկություններ չեն հաղորդել։
Նշենք, որ Մյանման իր սպառազինությունում ունի 40 միավոր ՄիԳ-29 կործանիչ (20 միավոր ՄիԳ-29Բ և 20 միավոր ՄիԳ-29ՍԷ)։
Խորհրդային արտադրության չորրորդ սերնդի ՄիԳ-29 բազմանպտակային կործանիչը շահագործման են հանձնել 1983-ին։ Այն կարող է զարգացնել մինչև 2 500 կմ/ժ առավելագույն արագություն, թռիչքի առաստաղը 18 000 մետր է։ Սպառազինությունում կործանիչն ունի 30 մմ-անոց ավիացիոն հրանոթ և տարբեր նշանակության` այդ թվում «օդ-օդ», «օդ-մակերևույթ» դասերի, հականավային, ռադիոճառագայթման նշանառության և այլն տեսակի հրթիռներ։ Կործանիչը կարող է օգտագործվել նաև ռմբակոծության համար։