Վրաստանում մեկնարկել է Agile Spirit 2014 վրաց-ամերիկյան զորավարժությունը

Հունիսի 9-ին Վրաստանի Վազիանի զորավարժարանում Վրաստանի զինված ուժերի չորրորդ մեխանիզացված բրիգադում կայացել է վրաց-ամերիկյան Agile Spirit 2014 զորավարժության հանդիսավոր բացումը։

«Agile Spirit 2014» զորավարժության բացման արարողությունից Նկարը՝ Վրաստանի ՊՆ-ից

«Agile Spirit 2014» զորավարժության բացման արարողությունից
Նկարը՝ Վրաստանի ՊՆ-ից

Այս մասին հայտնում է Վրաստանի պաշտպանության նախարարության մամուլի ծառայությունը։

Համատեղ զորավարժությանը մասնակցում են ավելի քան 350 զինծառայողներ։ Վարժանքները ներառում են ինչպես շտաբային, այնպես էլ դաշտային պարապունքներ։ Հայտնի է, որ զորավարժությունն անցնելու է 3 փուլով, որի ակտիվ մասն ավարտվելու է հունիսի 19-ին։

«Agile Spirit 2014» զորավարժության ընթացքում զինծառայողները կատարելու են խաղաղապահ առաքելության ժամանակ օգտագործվող գործողություններ, ինչպիսիք են՝ խուզարկություն, ինքնաշեն պայթուցիկ միջոցների բացահայտում-ոչնչացում, զինյալներից տարածքի մաքրում, ինչպես նաև պարեկություն և այլն։

«Agile Spirit 2014» զորավարժության բացման արարողությունից Նկարը՝ Վրաստանի ՊՆ-ից

«Agile Spirit 2014» զորավարժության բացման արարողությունից
Նկարը՝ Վրաստանի ՊՆ-ից

Հավելենք, որ «Agile Spirit» զորավարժությունը Վրաստանում անցկացվում է արդեն չորրորդ անգամ։ Վարժանքների նպատակն է ամրապնդել ԱՄՆ-ի և Վրաստանի միջև ռազմական փոխգործակցությունն ու խաղաղապահ գործողությունների պատրաստումը։

Հայտնի է նաև, որ այս տարի զորավարժությանը որպես միջազգային դիտորդներ ներկա են լինելու Ֆրանսիայի, Թուրքիայի և Ռումինիայի ներկայացուցիչները։

2 responses to “Վրաստանում մեկնարկել է Agile Spirit 2014 վրաց-ամերիկյան զորավարժությունը

  1. Pingback: Վրաստանում է Ալբանիայի պաշտպանության նախարարը | Ռազմ.info

  2. Pingback: Ռազմաշաբաթ. Վրաստան. հունիսի 8-14 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *