ՀՀ արտգործնախարար Էդվարդ Նալբանդյանը հունիսի 3-ին ընդունել է Մեծ Բրիտանիայի Պաշտպանական ուսումնասիրությունների Թագավորական քոլեջի (The Royal College of Defence Studies) տարբեր երկրներ ներկայացնող ունկնդիրների պատվիրակությանը։
Ընդունելություն ՀՀ ԱԳՆ-ում
Էդվարդ Նալբանդյանը Թագավորական Քոլեջի ունկնդիրներին է ներկայացրել Հայաստանի արտաքին քաղաքականության հիմնական ուղղությունները, Արցախյան հակամարտության կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը, տարածաշրջանային խնդիրների և դրանց կարգավորման ուղիների վերաբերյալ Հայաստանի մոտեցումները։
Անդրադարձ է եղել նաև Եվրասիական Միությանը Հայաստանի անդամակցության գործընթացին, Եվրոպական Միության հետ Հայաստանի համագործակցությանը, տեղեկացնում է ՀՀ ԱԳՆ մամուլի ծառայությունը: