Ադրբեջանի պաշտպանության նախարար, գեներալ-գնդապետ Զաքիր Հասանովի գլխավորությամբ Ադրբեջանի զինված ուժերի ստորաբաժանումները սկսել են զորավարժություններ առաջնագծի հատվածում։
Այս մասին տեղեկացնում է Ադրբեջանի պաշտպանության նախարարության մամուլի ծառայությունը։
Ըստ աղբյուրի՝ զորավարժություններին մասնակցում են զրահատեխնիկան, հրետանին, ՀՕՊ ստորաբաժանումներն ու օդուժը։
Չի հստակեցվում վարժանքներին մասնակից զինծառայողների թիվն ու զորավարժությունների ավարտման օրը։
Հիշեցնենք, որ ադրբեջանական մամուլը լուրեր էր տարածել, թե Ֆիզուլու ուղղության առաջնագծում, որտեղ մայիսի 17-ի լույս 28-ի գիշերը լարված իրավիճակ էր, ադրբեջանական օդուժը կործանիչներ էր բարձրացրել։
Ռազմինֆոն սույն տեղեկության վերաբերյալ մեկնաբանություն ստանալու նպատակով դիմեց Պաշտպանության բանակի մամուլի խոսնակ Սենոր Հասրաթյանին։ Նա շեշտեց. «Պաշտպանության բանակի հակաօդային պաշտպանության ուժերը վստահորեն վերահսկում են իրավիճակն առաջնագծում։ ՀՕՊ ստորաբաժանումները պատրաստ են ցանկացած խախտմանը տալ համարժեք պատասխան»։
Pingback: Ռազմաշաբաթ. Ադրբեջան. մայիսի 29-31 | Ռազմ.info