Ռուսաստանյան զինված ուժերը շարունակում են անորակ տեխնիկա ստանալ, և միայն 2011թ. պետությանը հասցվել է 1 մլրդ ռուբլու (34 մլն դոլար) վնաս: Այս մասին նշվում է ՌԴ Գլխավոր դատախազության զեկույցում:
Ընդհանուր առմամբ ավելի քան մեկ մլրդ ռուբլի է հատկացվել մի շարք չիրականացված գործարքների համար: Դրանք են՝ ՌԾՈՒ-ի նավերի վրա հրետանային համակարգերի տեղադրում, որը չի համապատասխանել տեխնիկական առաջադրանքին, չի իրականացվել՝ ատոմային՝ «Պյոտր Մեծ» ծանր հածանավի վերանորոգումը, ՌԴ ՊՆ պաշտոնական կայքի արդիականացումը, ինչպես նաև՝ «Վոենտելեկոմ» հեռահաղորդակցային ընկերության վերազինումը:
Դատախազության տարածած հաղորդագրության համաձան՝ մեծ թիվ են կազմում կեղծ գործարքների մասին փաստաթղթերը: Ստուգումների արդյունքում Ռազմական դատախազությունը արձանագրել է ավելի քան 3600 օրինախախտում, որոնց հիման վրա հարուցվել է 84 քրեական գործ:
Աղբյուր՝ Ущерб от некачественной техники в ВС РФ за год превысил 1 млрд рублей