Մայիսի 24-ին Զարգացման ծրագրերի հայկական կենտրոնի և ՀՀ զինված ուժերի Հոգևոր առաջնորդության համատեղ համագործակցության արդյունքում անց է կացվել «Առողջ զինվոր, առանց ծխախոտի» միջոցառումը:
Միջոցառման շրջանակներում վերջիններս եղան ՀՀ հյուսիսարևելյան հատվածը հսկող սահմանապահ զորամասերում:
Միջոցառման ժամանակ օրհնության խոսքով հանդես եկան զորամասերում նշանակված հոգևոր սպասավորներ` Տ. Համբարձում աբեղա արաբյանը և Արսեն սարկավագ Հմայակյանը, ինչպես նաև զեկույցներով հանդես եկան բժիշկ Սևակ Մկրտչյանը և հոգեբան Վահագն Գասպարյանը:
Յուրաքանչյուր բանախոսության վերջում զեկուցողները պատասխանեցին զինծառայողներին հուզող հարցերին, որից հետո կազմակերպվեց ֆիլմի դիտում, տեղեկացնում է ՀՀ ԶՈւ հոգևոր առաջնորդության կայքը։