Վրաստանի ՊՆ և ԶՈւ գլխավոր շտաբի պատվիրակություններն այցելել են ՆԱՏՕ-ի շտաբ-բնակարան։ Վրաստանում անցկացվել է եվրոպական երկրների բանակների գլխավոր սերժանտների համաժողով։ Վրաստանը պաշտպանական ոլորտի ծախսերի համար կհատկացնի ոչ պակաս, քան ՀՆԱ-ի 2 տոկոսը։ Եվրոպայում ամերիկյան զորքերի հրամանատարն այցելել է Վրաստան։ ՆԱՏՕ-Վրաստան հանձնաժողովը դրական է գնահատել վրացական կողմի արձանագրած առաջընթացը։
Վրաստանի ԶՈւ զինծառայողներ
” Մայիսի 19-ին Վրաստանի օգոստոսյան պատերազմի, ինչպես նաև արտերկրում ռազմական առաքելությունների ժամանակ տուժած թվով 10 զինծառայող ստացավ ծառայողական բնակարան։
” Թբիլիսիում անցկացվեց եվրոպական երկրների բանակների գլխավոր սերժանտների ամենամյա 8-րդ համաժողովը, որը կրում էր «Սերժանտների դերն ու պատասխանատվությունն անվտանգության գալիք մարտահրավերներում» խորագիրը։ Համաժողովի բացմանը մասնակցել են Վրաստանի ԶՈւ գլխավոր սերժանտ Ալուդա Կոպալիանին և Եվրոպայում ամերիկյան զորքերի գլխավոր սերժանտ Դեյվիդ Դեվենփորթը։
” Վրաստանի պաշտպանական բյուջեի նվազագույն նշաձողը սահմանվելու է օրենքով։ Օրինագիծն արդեն մտել է խորհրդարան՝ քննարկման համար։ Նախատեսվում է յուրաքանչյուր տարի պաշտպանական կարիքների համար հատկացնել ոչ պակաս, քան երկրի ՀՆԱ-ի 2 տոկոսը։
” Վրաստանի ՊՆ-ի պաշտպանության ազգային ակադեմիայում անցկացվեց եռօրյա սեմինար՝ նվիրված գենդերային հավասարության խնդիրներին։ Սեմինարի ընթացքում քննարկվող հիմնական թեման պաշտպանության ոլորտում գենդերային հավասարության ապահովումն էր։
” Մայիսի 21-ին պաշտպանության նախարար Իրակլի Ալասանիան հանդիպում է անցկացրել Եվրոպայում ԱՄՆ զորքերի հրամանատար, գեներալ-լեյտենանտ Դոնալդ Քեմբըլի հետ։ Վերջինս Վրաստանում էր գլխավոր սերժանտների ամենամյա 8-րդ համաժողովին մասնակցելու համար։
” Վրաստանի ԶՈւ 1-ին հետևակային բրիգադի 12-րդ գումարտակի «Ալֆա» վաշտը պատրաստվում է միանալ ՆԱՏՕ-ի արագ արձագանքման ուժերին։ Վաշտի զինծառայողները վերապատրաստում են անցել Գերմանիայի Հոենֆելս քաղաքում։
” Մայիսի 23-ին Վրաստանի պաշտպանության նախարարը եղել է Մարնեուլի քաղաքի արվարձանում տեղակայված ավիացիոն բրիգադում։ Այցի ընթացքում նախարարը հայտնել է, որ առաջիկա օրերին ԶՈւ գլխավոր շտաբը կհաստատի ավիացիոն պարկի՝ մինչև 2020 թվականի զարգացման պլանը։
Ռազմաշաբաթը նաև՝