Թուրքիայում Ադրբեջանի մասնակցությամբ ՌԾՈւ միջազգային մրցաշար է անցկացվել

Թուրքիայի զինված ուժերի ռազմածովային դպրոցում անցկացվել է միջազգային մրցաշար, որին մասնակցել են 10 պետությունների ռազմածովային կրթօջախների ներկայացուցիչներ։

Մրցաշարի մասնակիցները

Մրցաշարի մասնակիցները

Թուրքիայից բացի, մրցաշարին մասնակցել են Ադրբեջանի, Գերմանիայի, Լեհաստանի, Չինաստանի, Բուլղարիայի, Հարավային Կորեայի, Մեծ Բրիտանիայի, Իտալիայի և Պակիստանի ռազմածովային դպրոցներում սովորող երիտասարդներ, տեղեկացնում է Թուրքիայի ԶՈւ գլխավոր շտաբը։

Ընդհանուր առմամբ, մայիսի 12-16-ին անցկացված մրցումներին մասնակցել է 54 կուրսանտ և 10 սպա։

Մասնակիցները չափել են իրենց ուժերը լողի, թիավարության, առաջին բուժօգնության մրցումներում։

Ընդհանուր հաշվարկով առաջին տեղում են եղել թուրքերը, երկրորդում՝ չինացիները, իսկ երրորդ հորիզոնականը բաժին է հասել իտալացիներին։

Ադրբեջանն ընդհանուր հաշվարկում զբաղեցրել է նախավերջին 9-րդ հորիզոնականը՝ առաջ անցնելով միայն հարավկորեական պատվիրակությունից։

One response to “Թուրքիայում Ադրբեջանի մասնակցությամբ ՌԾՈւ միջազգային մրցաշար է անցկացվել

  1. Pingback: Ռազմաշաբաթ. Թուրքիա. մայիսի 18-24 (վիդեո) | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *