Մայիսի 13-ին Պաշտպանության բանակի ռազմական խորհրդի նիստի ժամանակ քննարկվել է բանակի թիկունքային և բժշկական ապահովմանը վերաբերող խնդիրներ։ Նիստին մասնակցել են ՊԲ հրամկազմի, շտաբի բաժինների և ծառայությունների պետերի, միավորումների, զորամասերի և առանձին ստորաբաժանումների հրամանատարների ու նրանց տեղակալներ։
ՊԲ ռազմական խորհրդի նիստը
Հիմնական զեկույցներով հանդես են եկել պաշտպանության բանակի հրամանատարի թիկունքով գծով տեղակալն ու ռազմաբժշկական բաժնի պետը, ովքեր նախ ներկայացրել են իրենց ոլորտներում իրականացված և իրականացվող գործընթացները, խոսել արձանագրված ձեռքբերումների, ինչպես նաև առկա հիմնախնդիրների և դրանց լուծման ուղիների շուրջ:
Ռազմական խորհրդի նիստը եզրափակվել է ՊԲ հրամանատար, գեներալ-լեյտենանտ Մովսես Հակոբյանի ամփոփիչ խոսքով, ով նշել է, որ այսուհետ ևս թիկունքային և ռազմաբժշկական ապահովման ոլորտները պետք է լինեն բանակաշինության և զինված ուժերի հետագա զարգացման կարևորագույն ուղղություններից մեկը: