Ադրբեջանում առաջնագծում զինծառայողը սպանել է գումարտակի հրամանատարին

Ադրբեջանում՝ առաջնագծին մոտ տեղակայված ՊՆ զորամասերից մեկում, զինված ուժերի պայմանագրային զինծառայող Իլքին Յաշար օղլու Մաղերամովը կրակել են իրեն ամրակցված ինքնաձիգից և սպանել գումարտակի հրամանատար, մայոր Էմիլ Ալիհուսեյն օղլու Ասքերլիին։ Տեղեկությունը հաստատել է Ադրբեջանի պաշտպանության նախարարության մամուլի ծառայությունը։ Ըստ աղբյուրի՝ դեռ պարզ չէ՝ արդյոք սա մտածված սպանություն էր, թե զենքի հետ անզգույշ վարմունքի հետևանք։ Այնուհանդերձ, հարուցվել է քրեական գործ, ընթանում է հետաքննություն։ Նկատենք, որ սա 2014-ի մայիս ամսվա ընթացքում ադրբեջանական զինուժի հաղորդած երկրորդ կորուստն է։