1 վիրավոր Ադրբեջանի զինված ուժերում։ Ադրբեջանի ԶՈւ 2014-ի ապրիլի կորուստները։ Ադրբեջանի ոստիկանության տվյալները Սիրիայում կռվող ադրբեջանցիների մասին։ Հեռացրել են ՊՆ գիտահետազոտական կենտրոնի նախկին ղեկավարին։ Զորավարժություններ՝ առաջնագծում։
”Ադրբեջանի զինված ուժերի զինծառայող Ջավիդ Միրզոևը, պաշտոնական վարկածի համաձայն՝ խախտելով անվտանգության կանոնները, կրակ է բացել իր ծառայակից Նասիմ Ռուսթամովի ուղղությամբ։ Տուժածին տեղափոխել են հոսպիտալ։
-Ռազմինֆոյի՝ բաց աղբյուրների տեղեկությունների վրա հիմնված մշտադիտարկման համաձայն՝ 2014-ի մարտին Ադրբեջանի պաշտպանական և անվտանգության համակարգերում հայտարարվել է 11 զոհի և 13 վիրավորի մասին։
”Ապրիլի 28-ից ի վեր Ադրբեջանի զինված ուժերի ստորաբաժանումները զորավարժություններ են անցկացնում առաջնագծի հատվածում։
-Հայտնի է դարձել՝ Սիրիայում տարածքում գործում է ադրբեջանցիների զինյալների ջոկատ՝ Azəri taboru: Այն ընդգրկված է «Իրաքի և Լևանտի իսլամիստական պետություն» ծայրահեղ իսլամիստական խմբավորման կազմում, և ներկայումս կռվում է քրդերի «Ժողովրդական պաշտպանության կոմիտեներ» (YPG) խմբավորման դեմ:
”Ադրբեջանի տարբեր շրջանների ոստիկանական բաժանմունքները հրապարակել են Սիրիա մեկնած ադրբեջանցիների վերաբերյալ տվյալներ։ Դրանք այս պահի դրությամբ ըստ էության բաց աղբյուրներից հասանելի միակ և առաջին պաշտոնական տվյալներն են այս հարցում։
”Համացանցում տարածվել է Սիրիայում կռվող ադրբեջանցի զինյալների հերթական տեսագրությունը, որտեղ մանկահասակ երեխաներ են, որոնց ամենայն հավանականությամբ ևս պատրատում են «սրբազան պատերազմի» համար։
”Ապրիլի 26-ին հայտնի է դարձել՝ պետական գույքի սեփականացման և պաշտոնական իրավասությունների չարաշահման մեղադրանքով ձերբակալվել է Ադրբեջանի պաշտպանության նախարարության գիտահետազոտական կենտրոնի նախկին ղեկավար Էլչին Խալիլովը: Ռազմական դատարանը նրա նկատմամբ 3 ամիս ժամկետով նախնական կալանք է սահմանել:
”Ապրիլի 30-ին հայտնի է դարձել՝ Ադրբեջանի ԶՈւ Շամխորի 3-րդ բանակային կորպուսի շտաբի պետ է նշանակվել գնդապետ Գյերայ Բաղըրովը։
”Ադրբեջանի պաշտպանության նախարար, գեներալ-գնդապետ Զաքիր Հասանովը պահեստազորի գնդապետ, Ադրբեջանի ռազմական պատմության թանգարանի նախկին տնօրեն Ռուֆաթ Ամիրովին վերականգնել է իր պաշտոնում:
”Ադրբեջանի զինված ուժերի ուսումնական կենտրոնում ապրիլի 29-ին կայացել է Ադրբեջանի պաշտպանության նախարարության կոլեգիայի ընդլայնված նիստ։
”Ադրբեջանի պաշտպանության նախարար, գեներալ-գնդապետ Զաքիր Հասանովն ապրիլի 26-ին հանդիպել է Ադրբեջանում Իրանի Իսլամական Հանրապետության արտակարգ ու լիազոր դեսպան Մոհսուն Փաքայիին:
-Զաքիր Հասանովը 2014-ի ապրիլի 26-ին հանդիպել է Ադրբեջանում Բրազիլիայի Դաշնային Հանրապետության արտակարգ ու լիազոր դեսպան Սանտյագո Լուիս Բենտո Ալքասարին, իսկ ապրիլի 28-ին Ադրբեջանի պաշտպանության նախարարության պատվիրակությունը՝ ՊՆ միջազգային համագործակցության վարչության ղեկավար, գեներալ-մայոր Ռամիզ Նաջաֆովի գլխավորությամբ, պաշտոնական այցով մեկնել է Բրազիլիա։
”Զաքիր Հասանովն ապրիլի 29-ին, հյուրընկալել է Սերբիայի նախկին նախագահ Բորիս Տադիչին։
”Բելառուսի ՊՆ աշխատանքային խումբը՝ հրթիռահրետանային սպառազինության գծով վարչության ղեկավար Վլադիմիր Բարանովի գլխավորությամբ, այցելել է Ադրբեջանի ականազերծման ազգային գործակալություն (ANAMA):
Ռազմաշաբաթը նաև՝