Ապրիլի 29-ին հրապարակվել է Վրաստանի Սաչխարե լեռնային պատրաստության դպրոցում 2007-ից մինչ օրս դասընթացների մասնակցած զինծառայողների թիվը։ Այն դասակարգվել է նաև ըստ երկրների, որոնք ներկայացրել են դասընթացներում ներգրավված զինծառայողները։ Այդ թվում զգալի մաս են կազմում նաև ՀՀ զինված ուժերի ներկայացուցիչները։ Ամբողջական ցուցակը հրապարակվել է վրաստանյան Գռուզիա-օնլայն լրատվական կայքում։
Համաձայն այդ տվյալների, 2007-ից 2014-ը վերապատրաստում են անցել հետևյալ երկրների ԶՈւ զինծառայողները.
- 2007-ին՝ 11 զինծառայող Հայաստանից, Ուկրաինայից, Լեհաստանից ու Լիտվայից։
- 2008-ին՝ 15 զինծառայող Ուկրաինայից
- 2010-ին՝ 4 զինծառայող Լիտվայից
- 2011-ին՝ 21 զինծառայող Հայաստանից, Ուկրաինայից, Լեհաստանից, Լիտվայից, Էստոնիայից, Նորվեգիայից, Լատվիայից և Մակեդոնիայից
- 2012-ին՝ 62 զինծառայող Հայաստանից, ԱՄՆ-ից, Թուրքիայից, Նորվեգիայից, Լատվիայից, Նորվեգիայից Ուկրաինայից և Էստոնիայից
- 2013-ին՝ 113 զինծառայող Հայաստանից, Ադրբեջանից, ԱՄՆ-ից, Գերմանիայից, Չեխիայից, Հունգարիայից, Հորդանանից, Լեհաստանից, Լիտվայից, Նորվեգիայից, Ուկրաինայից և Եգիպտոսից
- 2014-ին՝ 26 զինծառայող Հայաստանից, Թուրքիայից, Եգիպտոսից, Հորդանանից, Հունգարիայից, Բուլղարիայից, Լիտվայից, Լեհաստանից, Էստոնիայից
Բացի այդ, կայքն առանձնացրել է նաև ձմեռային և ամառային լեռնային վերապատրաստում անցած զինծառայողների թիվը՝ դասակարգելով այն ըստ մասնակից պետությունների.
- Հայաստան (31 զինծառայող)
- Թուրքիա (3 զինծառայող)
- ԱՄՆ (81 զինծառայող)
- Եգիպտոս (8 զինծառայող)
- Գերմանիա (1 զինծառայող)
- Լիտվա (10 զինծառայող)
- Լեհաստան (9 զինծառայող)
- Ուկրաինա (42 զինծառայող)
- Էստոնիա (9 զինծառայող)
- Նորվեգիա (6 զինծառայող)
- Մակեդոնիա (2 զինծառայող)
- Հորդանան (14 զինծառայող)
- Լատվիա (8 զինծառայող)
Նշենք, որ Սաչխերեյի լեռնային պատրաստության դպրոցը բացվել է 2006-ին՝ Ֆրանսիայի ակտիվ մասնակցությամբ։ 2010-ին ՆԱՏՕ-ի՝ գործընկերություն հանուն խաղաղության ծրագրի շրջանակներում այն ստացել է լեռնային պատրաստության կենտրոնի կարգավիճակ։
Pingback: Հայաստանում է Վրաստանի զինված ուժերի գլխավոր շտաբի պետը | Ռազմ.info