Թուրքիան ԱՄՆ-ում զորավարժության է մասնակցում

Թուրքիայի զինված ուժերի ներկայացուցիչները մասնակցում են Միացյալ Նահանգներում ընթացող Emerald Warrior-2014 համատեղ զորավարժությանը։

Emerald Warrior 2013

Ռազմաօդային ուժերի համար նախատեսված վարժանքները սկսվել են ապրիլի 24-ին և շարունակվելու են մինչ մայիսի 7-ը։ Դրանք անցկացվում են ԱՄՆ-ի ռազմաօդային ուժերի հատուկ գործողությունների հրամանատարության՝ Ֆլորիդա նահանգում տեղակայված Հալբարթ ավիաբազայում։

Զորավարժությանը Թուրքիան ներկայացել է 15 զինծառայողով։ Թուրքիայի զինված ուժերի գլխավոր շտաբի փոխանցմամբ՝ զորավարժության նպատակն է կատարելագործել ԱՄՆ-ի և Թուրքիայի միջև համատեղ հատուկ գործողությունները անցկացման հմտությունները, խորացնել համագործակցությունն ու փորձի փոխանակում իրականացնել։

Հավելենք, որ Emerald Warrior (անգլերենից թարգմանելիս՝ «Զմրուխտե մարտիկ») զորավարժություններն անցկացվում են ամեն տարի Միացյալ Նահանգներում։