Ռուսաստանը ջուրն է իջեցնելու երկրորդ Միստրալի նավախելը

Ռուսաստանում ջուրն են իջեցնելու ռուս-ֆրանսիական համատեղ նախագծով արտադրվող ու Ռուսաստանին տրամադրվելիք Միստրալ դասի երկրորդ ուղղաթիռակիր նավի՝ «Սևաստոպոլի» նավախելը՝ հետին մասը: Նավախելը նավի մնացած մասից առանձին պատրաստել են Ռուսաստանում ու պատրաստվում են ծովով քարշակել Ֆրանսիա, որտեղ պիտի միացնեն նավի մնացած մասին, որն էլ պատրաստել են Ֆրանսիայում: Այս մասին հայտնում է ռուսաստանյան ԻՏԱՌ-ՏԱՍՍ գործակալությունը:

«Վլադիվոստոկ» ուղղաթիռակիրը

«Վլադիվոստոկ» ուղղաթիռակիրը

Հիշեցնենք, որ 2014-ի մարտին խոսակցություններ կային, որ Ֆրանսիան կարող է դադարեցնել Միստրալների տրամադրման պայմանագիրը՝ կապված Ղրիմի հարցում Ռուսաստանի դիրքորոշման հետ: Ֆրանսիացի պաշտոնայներին ի պատասխան, ռուսաստանյան կողմը հայտարարեց, որ եթե Ֆրանսիան հրաժարվի պայմանագրից, ստիպված կլինի ոչ միայն վերադարձնել Ռուսաստանի վճարած գումարը, այլև վճարել պայմանագրով նախատեսված տուգանքը: Հետագայում ֆրանսիական կողմը հայտնեց, որ առաջին նավը պայմանագրով Ֆրանսիան պիտի Ռուսաստանի պիտի փոխանցի 2014-ի հոկտեմբերին, հետևաբար պայմանագրի դադարեցման մասին քննարկումը նույնպես կլինի հոկտեմբերին:

Հիշեցնենք, որ Միստրալ ուղղաթիռակիր նավերի գնման պայմանագիրը Ռուսաստանն ու Ֆրանսիան կնքել են 2011-ին։ 1,624 մլրդ ԱՄՆ դոլար արժողությամբ պայմանագրի համաձայն՝ Ֆրանսիան երկու ուղղաթիռակիր նավ պիտի կառուցեր ու տրամադրեր Ռուսաստանին։ Ընդ որում՝ նավերը Ֆրանսիան պարտավորվել է տրամադրել առանց սպառազինության, քանի որ, ըստ պայմանագրի, սպառազինությունը պիտի արտադրի ու տեղադրի Ռուսաստանը։ Առաջին նավը Ֆրանսիան Ռուսաստանին հանձնելու է 2014-ի վերջին, երկրորդը՝ 2015-ին։ Նավերից առաջինը, որ ստացել է «Վլադիվոստոկ» անվանումը, ներկայում փորձարկումների փուլում է։ Երկու նավերը ստանալուց հետո Ռուսաստանը կարող է ևս երկու ուղղաթիռակիր նավեր գնելու պայմանագիր առաջարկել Ֆրանսիային։

Միստրալ տիպի ուղղաթիռակիր նավերը նախատեսված են միանգամից մի քանի խնդիր կատարելու համար։ Դրանք կարող են միաժամանակ տախտակամածի վրա ընդունել ուղղաթիռներ, դեսանտ իջեցնել, կիրառվել որպես զորքերի կառավարման կենտրոն, ինչպես նաև օգտագործվել որպես շարժական հոսպիտալ։ Նավի առավելագույն արագությունը 33 կմ/ժ է, նավարկության առավելագույն հեռավորությունը շուրջ 37 հազար կիլոմետր (համեմատելու համար՝ Երկրի հասարակածի երկարությունը մոտ 40 հազար կիլոմետր է)։ Նավի անձնակազմը 170 մարդ է։ Այն կարող է տեղափոխել մինչև 16 ուղղաթիռ ու 40 տանկ։ Միստրալ տիպի ուղղաթիռակիր նավի գինը մոտավոր 620 մլն ամերիկյան դոլար է։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *