Ադրբեջանի պաշտպանության նախարար Զաքիր Հասանովն ապրիլի 19-ին ընդունել է ԱՄՆ Կոնգրեսի ներկայացուցիչների պալատի՝ միջազգային հարցերով հանձնաժողովի նախագահ, կոնգրեսմեն Էդ Ռոյսի գլխավորած պատվիրակությանը։
Ադրբեջանի պաշտպանության նախարարն ընդունել է ԱՄՆ կոնգրեսմենին
Ինչպես հաղորդում է Ադրբեջանի ՊՆ մամուլի ծառայությունը, հանդիպման ընթացքում քննարկվել են երկկողմ համագործակցության հարցերը։ Զաքիր Հասանովը խոսել է ՆԱՏՕ-ի շրջանակներում իրականացված միջոցառումներին Ադրբեջանի զինուժի մասնակցության, այդ թվում՝ ադրբեջանի խաղաղապահների գործունեության մասին։
Նկատենք, որ ըստ աղբյուրի՝ Հասանովը, անդրադառնալով Արցախյան հիմնախնդրին, դժգոհել է միջազգային կառույցներից՝ համարելով՝ նրանց քայլերը հակամարտության լուծման ուղղությամբ «մինչ օրս արդյունքներ չեն գրանցել»։
Հավելենք, որ հանդիպմանը ներկա էր նաև Ադրբեջանում ԱՄՆ արտակարգ ու լիազոր դեսպան Ռիչարդ Մորնինգսթարը։