Ադրբեջանի օգտին լրտեսած ՀՀ քաղաքացիները դատապարտվեցին. օրվա ամփոփում

Ադրբեջանի օգտին լրտեսություն կատարած հայերը դատապարտվեցին:  Ադրբեջանում պաշտպանական ծախսերի աճի հետ աճում է նաև կորուստների թիվը: ՀԱՊԿ ԳՇ պետերը մի շարք հարցեր են քննարկել: Իրանը Պարսից ծոցի երկրներին կոչ է արել «չենթարկվել ամերիկյան սադրանքին»:

  • Ադրբեջանի օգտին լրտեսության մեջ մեղադրվող ՀՀ քաղաքացիները դատապարտվեցին առավելագույնը 10-14 տարվա ազատազրկման:
  • «Հայաստանը ռազմական առումով ավելի շատ բան ունի առաջարկելու Ռուսաստանին, քան Ադրբեջանը, ինչի մասին վկայում են նաև վերջին զարգացումները, խոսակցությունները Ադրբեջանի տարածքում գտնվող ու Ռուսաստանի վարձակալությամբ տրվող Գաբալայի ՌԼԿ-ի շուրջ»,- կարծիք է հայտնել Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
  • ՀԱՊԿ գլխավոր քարտուղարը կազմակերպության անդամ երկրների ԱԳ նախարարներին ներկայացրել է արտաքին քաղաքականության համադրման հարցերը, միջազգային կազմակերպություններում ՀԱՊԿ անդամ երկրների մշտական ներկայացուցիչների համագործակցությունը:
  • Հայաստանի, Բելառուսի, Ղազախստանի, Ղրղզստանի, Ռուսաստանի ու Տաջիկստանի գլխավոր շտաբերի պատվիրակությունները քննարկել են Միավորված շտաբի, Արագ արձագանքման հավաքական ուժերի և Խաղաղապահ հավաքական ուժերի հետագա զարգացումն ու անելիքները:
  • Ռուսաստանի պաշտպանության նախարարության կողմից մայիսի 3-4-ն անցկացվելիք՝ հակահրթիռային պաշտպանության խնդիրների վերաբերյալ միջազգային խորհրդաժողովին կմասնակցեն 49 երկրների ներկայացուցիչներ, ինչպես նաև ՆԱՏՕ-ի, ԱՊՀ-ի և ՀԱՊԿ-ի ներկայացուցիչները:
  • Մոլոդովայի խորհրդարանը որոշել է  գլխավոր դատախազությանը հանձնել ազգային անվտանգության հարցերով հանձնաժողովի բոլոր նյութերը՝ կապված Մոլդովայի կողմից լատվիական ընկերության միջոցով Հայաստանին զենք վաճառելու գործում մի շարք խախտումների հետ:

Միջազգային լուրերը հայկական մամուլում

  • «Ադրբեջանում անվտանգության և պաշտպանության բնագավառին հատկացվող ծախսերի աճի հետ աճում է նաև կորուստների թիվը»,- ասել է Ադրբեջանի լրագրողների ռազմական հետազոտությունների «Դոկտրինա» կենտրոնի ղեկավար Ջասուր Սումերենլին:
  • Իրանի պաշտպանության նախարար Ահմադ Վահիդին Պարսից ծոցի արաբական երկրներին կոչ է արել չաջակցել ԱՄՆ-ի հետ համատեղ՝ ՀՀՊ համակարգի ստեղծման առաջարկին և չհավատալ, թե Իրանը լրջորեն սպառնում է Պարսից ծոցի երկրներին:
  • Պենտագոնը վստահ է, որ Իրանը շարունակում է զարգացնել իր միջուկային ծրագիրը և յուրաքանչյուր պահի կարող է ստեղծել միջուկային զենք:
  • Սիրիան Լիբանանի սահմանի վրա տեղակայել է ռուսական արտադրության SA-17 երկու զենիթահրթիռային համալիր և աշխատանքներ են տարվում երրորդ համալիրի տեղակայման համար:
  • Աֆղանստանում ավելի քան 30 տարվա մեջ առաջին անգամ վերսկսվել են երկրի ռազմաօդային ուժերի ինքնաթիռների ուսումնական թռիչքները:
  • ԱՄՆ ռազմածովային ուժերին պատկանող «Մեհեն» ականակիր նավի 13 նավաստիներ հեռացվել են նավատորմից թմրամիջոցների օգտագործման պատճառով:
  • Հարավային Կորեան հետևել է Հյուսիսային Կորեայի 3-4 սուզանավերի, սակայն Հյուսիսային Կորեայի արևելյան երկու բազաներից դուրս գալուց հետո դրանք անհետացել են տեսադաշտից:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *