Աֆղանստանի ԱԳ նախարար Զալմայ Ռասուլը հայտնել է, որ իրենց երկիրը 2014թ. հետո ամերիկյան անօդաչու ինքնաթիռներին՝ հարևան երկրներին հարվածելու համար թռիչքային հարթակ չի ծառայի: Հիշեցնենք, որ 2014թ. հետո ՆԱՏՕ-ն և ԱՄՆ-ն ծրագրում են հեռանալ Աֆղանստանից:
ԱՄՆ բանակի անօդաչուները ակտիվ և հաջողված օգտագործում են՝ Աֆղանստանի հարևան Պակիստանում տեղակայված «Թալիբանին» և «Ալ-Քաիդային» հրթիռակոծելու համար: Նման հրթիռակոծությունները սկսվել են 2004թ.-ից և առավելագույն հարվածները հասցվել են 2012թ.-ին:
«2014թ. հետո Աֆղանստանում մնացող ամերիկացի զինծառայողները կզբաղվեն աֆղանական անվտանգության ուժերի ձևավորմամբ և պատրաստմամբ: Այդ ուժերը չեն օգտագործվի Աֆղանստանի հարևան որևէ երկրի դեմ»,- ասել է ԱԳՆ ղեկավարը: