ՀՀ պաշտպանության նախարար Սեյրան Օհանյանը մարտի 27-ին ընդունել է ՆԱՏՕ-ի Խորհրդարանական վեհաժողովի պատվիրակությանը, որն աշխատանքային այցով Հայաստան է ժամանել:
Հանդիպմանը քննարկվել են պաշտպանության ոլորտում ՀՀ-ՆԱՏՕ համագործակցությանը, ինչպես նաև տարածաշրջանային անվտանգությանը վերաբերող հարցեր:
Զրուցակիցները կարծիքներ են փոխանակել պաշտպանության ոլորտում ՆԱՏՕ-ի և ՀՀ-ի միջև համագործակցության առկա ոլորտների և հեռանկարների վերաբերյալ: Երկուստեք կարևորվել է հայաստանցի խաղաղապահների ներդրումը միջազգային կայունությանն ու անվտանգությանն ուղղված առաքելություններում:
ՀՀ պաշտպանության նախարար ներկայացրել է Արցախյան հակամարտության կարգավորման շուրջ հայկական կողմի դիրքորոշումները՝ ընդգծելով շփման գծում կողմերի միջև վստահության ամրապնդման միջոցառումների կյանքի կոչման անհրաժեշտությունը:
Հավելենք, որ ԱՏՕ-ի Խորհրդարանական վեհաժողովի պատվիրակությանն ընդունել են նաև ՀՀ Ազգային ժողովում։