Թուրք զինծառայողների վրա հարձակվածներն Ալբանիայի և Կոսովոյի քաղաքացիներ են

Թուրքիայի Նիղդե նահանգի Ուլուքըշլա շրջանում ավտոճանապարհի հսկողություն իրականացնող թուրք ոստիկանների և զինծառայողների վրա կրակ արձակած անձանց մասին որոշ տեղեկություններ են հայտնի դարձել։

Մարտի 20-ի ցերեկային ժամերին ստուգման ժամանակ ոստիկանների կանգնեցրած միկրոավտոբուսից 3 անձինք ինքնաձիգերով կրակ են բացել ոստիկանների և ժանդարմների վրա։

Կրակահերթերի հետևանքով Թուրքիայի ԶՈւ ժանդարմերիայի 1 զինծառայող,  ոստիկանության 1 աշխատակից և 1 վարորդ էր սպանվել, ևս 7 զինծառայող վիրավորվել էր։

Հարձակումից հետո զինված անձինք իրենց ավտոմեքենայով փախուստի են դիմել։ Թուրք իրավապահների հատուկ գործողության արդյունքում հարձակում գործած 3 անձանցից 2-ը ձերբակալվել են։ Երրորդին ձերբակալել են ավելի ուշ։

Պարզվել է, որ ձերբակալվածները Ալբանիայի և Կոսովոյի քաղաքացիներից են։ Նրանցից երկուսը 18 տարեկան են և Ալբանիայից են, իսկ երրորդը՝ Կոսովոյի 23-ամյա բնակիչ է։ Թուրքական «Ջիհան» գործակալության տվյալներով՝ ձերբակալվածները կապեր ունեն «ալ Կաիդա» ահաբեկչական խմբավորման հետ։ Հետաքննությունը շարունակվում է, այլ մանրամասներ դեռ չեն հրապարակվում։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *