Մարտի 14-ին Մարտունու շրջանի Վարանդա գյուղում կայացել է զոհված ազատամարտիկների հուշարձանի բացման հանդիսավոր արարողություն:
Արարողությանը մասնակցել է Բակո Սահակյանը, ով Վարանդայի ազատագրման 22-րդ տարեդարձի կապակցությամբ և հայրենիքի պաշտպանության համար մղված մարտերում ցուցաբերած անձնական խիզախության համար Արցախի պետական պարգևներով պարգևատրել է «Արաբո» ջոկատի մի խումբ ազատամարտիկների:
Զոհված ազատամարտիկների հուշարձանի բացման հանդիսավոր արարողություն Վարանդա գյուղում
Բակո Սահակյանն իր խոսքում նշել է՝ այն, որ մեր զոհված քույրերի ու եղբայրների հիշատակին կառուցվել են բազում հուշարձաններ Հայաստանում, վկայում է, որ մեր ազգի նվիրյալները և նրանց հերոսությունը չեն մոռացվել, որ նրանք միշտ մեզ հետ են և շարունակում են հայրենասիրության ու անձնվիրության օրինակ լինել մատաղ սերնդի համար:
Միջոցառմանը մասնակցում էին պաշտպանության բանակի հրամանատար Մովսես Հակոբյանը, պաշտոնատար այլ անձինք: